Kushtet e Përdorimit

1. Kërkesat e Shoferit dhe Kohëzgjatja e Qirasë

Për të marrë një automjet me qira, duhet të plotësohen këto kushte bazë:

• Mosha: Mosha e shoferit duhet të jetë më e madhe se 19 vjeç.
• Patenta: Patenta duhet të jetë e vlefshme dhe me datë lëshimi për më shumë se një vit.
• Koha e Qirasë dhe Vonesat: Koha minimale e marrjes me qera është 1 ditë. Çdo orë me vonesë në dorëzimin e makinës paguhet 1/5 e qerasë të një dite.

2. Çmimet, Kilometrazhi dhe Pagesat

Detyrimet financiare lidhur me pagesën dhe përdorimin:

• Pagesa e Kontratës: Qeramarrësi do të paguajë të gjithë shumën e shkruar në kontratë pavarësisht se për arsye të ndryshme të tij nuk përdor makinën.
• Kilometrazhi: Në çmimin e një dite përfshihen 200km. Nëse kalohet, çdo 1 km paguhet 0.15 euro/km.

3. Gjendja e Automjetit dhe Përgjegjësitë

Rregullat mbi gjendjen fizike të automjetit gjatë marrjes dhe dorëzimit:

• Gjendja e Makinës: Qeramarrësi e merr makinën në gjendje të mirë dhe është i detyruar ta kthejë atë në gjendjen që e mori me të gjitha pajisjet e saj.
• Dëmtimet nga Pakujdesia: Qeramarrësi është përgjegjës për makinën dhe do të dëmshpërblejë çdo defekt ose dëmtim që shkaktohet për faj të tij, gjithashtu dhe dëmtimet në pjesën e poshtme ose shkatërrimet e gomave.

4. Rregullat e Përdorimit dhe Qarkullimit

Kufizimet e vendosura për qarkullimin dhe drejtimin e mjetit:

• Qëllimi i Përdorimit: Ndalohet përdorimi i makinës për çdo qëllim tjetër, përveç atij të shkruajtur në lejen e qarkullimit.
• Shoferët e Autorizuar: Ndalohet drejtimi i makinës nga persona të tjerë që nuk janë shkruar në këtë kontratë.
• Kufijtë Territorialë: Kjo kontratë lejon qarkullimin e makinës vetëm brenda territorit të Shqipërisë (për jashtë Shqipërisë duhet prokurë e veçantë).

5. Sigurimi dhe Aksidentet

Procedurat në rast aksidenti apo defekti rrugor:

• Sigurimi i Mjetit: Makinat janë të siguruara.
• Mbulimi i Dëmeve: Në rast aksidenti ku ju jeni fajtor dhe siguracioni nuk mbulon dëmtimin e makinës, përgjegjësia e dëmit të shkaktuar është e juaja.
• Njoftimi i Detyrueshëm: Qeramarrësi duhet të njoftojë menjëherë në telefon në rast aksidenti ose prishje të makinës dhe, në rast fajësie, paguan shpenzimet e kthimit të makinës mbrapsht.

6. Gjobat dhe Shkeljet e Trafikut

Detyrimet ligjore në rast shkeljeje të rregullave të qarkullimit:

• Përgjegjësia Personale: Për çdo lloj shkelje të ligjit të qarkullimit rrugor ju paguani çdo lloj gjobe dhe mbani përgjegjësi për çdo detyrim ligjor.
• Pagesa e Gjobave: Në rast ndëshkimi me gjobë, ajo paguhet nga ju pranë zyrës sonë.